يآحزن وش نـــــــوحكـ ..!! ؟

.

.
مـــــ//ــــدخـــــــــل....
.
قد السماء ياذا الحزن ..
في صدري المُنهك ألم
فيني .. سقم
فيني ..حِمم
فيني .. من شعوري عذاب
عيا يسافر للغياب
يخنقي حتى بي يصيح
نبضٍ نسى وجه الشباب
وأصبح من جروحه كهل
يزرع بي أوجاع بنهم
ثم يفترسني بـ / ألف ناب
وإذا شبع يرمي حطامي للسعير
ياهو مرير ..
وياهو كثير
إنك تعيش وخاطرك
من خاطرك ميت كسير !!

قلبي مدينة حـزن وضلوعـي السـور
ودمـي دمـوعٍ مجمـره فـي حنايـاي
ووقتٍ زرع صـدري توابيـت وقبـور
ليتـه دفنـيّ ماخـذا أحـلام دنـيـاي
الهـم والحرمـان واليـاس والـجـور
متعسكره فيني من اقصاي لـ/ اقصـاي
وذاك المكان اللي من النـاس مهجـور
ياما هربـت إليـه ودموعـي غطـاي
تعبت أدور فـ/ السمـا ومـض بلـور
أشوف به دربـي واميـز بـه إخطـاي
وتعبت أكون الصادقه شعـر وشعـور
مع نفسي وناسي وحتـى مـع اشيـاي
مابي كسر فيني من أحبابي ( كسـور )
ماابي وجع بـس الوجـع شـل يمنـاي
في واقعي غيّاب وفـ/ قلبـي حضـور
ولالي وطن في أرضهـم غيـر منفـاي
مااقول أنا اغليهم بـس القلـب مجبـور
يزرعهم بدمي ويمشـون بـ/ اعضـاي
ماأعرف ألف إن ضاق صدري ولا ادور
أحتاج لـي قلـبٍ بـه أفيّـض بكـاي
ولو اعرف أعاتب خطا الغيـر واثـور
ماكنـت أدور لاتضايـقـت مـسـراي
بعض الشعور يموت مايبصـر النـور
لامـن طلبتـه يحتضـر فـي شفايـاي
وجروحي اللـي كنهـا صـف طابـور
مليـت أغنيهـا علـى صرخـة النـاي
وجفنٍ من مـزون المشاريـه ممطـور
إينـع سهـر بعيونـي وشـب ظلمـاي
ياحزن وش نوحك مـع الـدم مسعـور
تنهـش بنيبانـك خفـا الـروح جـواي
ماتدري إني مات بـي منـك عصفـور
أكبر طموحه كان قطـرات مـن مـاي
فيني ظما وانا على ( سبعـة بحـور )
عيت تبـل الريـق وتغيـث صحـراي
والدفتر اللـي ماتـت بحبـره سطـور
عجزت أفضفض به عن أوجاع (علياي)
يارب لاضاقت علـي عطنـي شعـور
لو هو ( وهم ) أرسم به الحلـم ويـاي

للشاعره علياءالشمري